Onte vivimos unha gran xornada dentro do Plan de Fomento do Hockey – Deputación de Ourense 2026 no evento SPORTUR 

• Máis de 100 nenos e nenas
• 3 centros educativos participantes
• Deporte, convivencia, xogos e moito hockey durante toda a mañá

Os centros participantes nesta xornada foron:

• CEIP O Couto
• CEIP O Ruxidoiro
• CEIP Irmáns Villar

Ademais, tivemos tamén a participación da Fundación San Rosendo – Residencia Os Milagros, compartindo con nós unha mañá de deporte, inclusión e convivencia 

Unha actividade que continúa achegando o hockey aos máis pequenos dentro deste programa impulsado pola Federación Galega de Hockey e financiado pola Deputación de Ourense, apostando polo deporte base e os hábitos de vida saudables.

Queremos agradecer especialmente:

• Aos centros educativos participantes
• Ao profesorado pola súa implicación
• Á Fundación San Rosendo pola súa participación
• Á @Xunta de Galicia pola súa colaboración
• E a todas as persoas que fan posible este proxecto

Seguimos sumando semanas, centros e nenos nun programa que continúa medrando por toda a provincia!

O hockey segue medrando en Ourense!

Despois da fin de semana tan intensa que acabamos de vivir, chega un novo torneo, neste caso da categoría Alevín, o domingo 31 de maio en Mariñamansa, Campionato Galego de Hóckey Herba Alevín Xunta de Galicia.

Unha cita á que chegan os mellores equipos da liga regular de toda Galicia. 

Neste caso os participantes serán: Albor C.H. (Ourense), C.H. Barrocás (Ourense), APA Oleiros (A Coruña), Escola H.C. (A Coruña), OurenSticks H.C. (Ourense) e Atlántico H.C. (Vigo).

Moita sorte a todos!!!

Galicia é Hóckey!!!

Para rematar unha fin de semana completa, o domingo, tamén en Mariñamansa, Ourense, celebrouse o Campionato Galego de Hóckey Herba Cadete e Xuvenil Xunta de Galicia 2026.

Unha cita que, tras a celebración dos partidos, deixou as seguintes táboas clasificatorias: 

Cadete Masculino:

1 °C.H. Barrocás

2º Cidade de Ourense H.C.

Cadete Feminino:

1º Albor C.H.

2º Escola H.C.

Xuvenil Masculino:

1º OurenSticks H.C.

2º Escola H.C.

Parabéns a todos e a todas e grazas por facer o noso deporte máis grande.

O pasado sábado celebrouse o Campionato Galego de Hóckey Herba Prebenxamín e Benxamín Xunta de Galicia no campo ourensán de Mariñamansa, coa presenza de máis de 200 nenos e nenas, acompañados dos seus familiares chegados de toda Galicia. Un evento que resultou, sen dúbida, unha auténtica festa do hóckey de base. 

A cita congregou a 19 equipos de ambas categorías, entre os que cabe destacar a participación, por primeira vez dende a súa recente creación, do Marinenses H.C. da cidade pontevedresa de Marín. Santo Domingo de Padrón, Escola da Coruña, APA de Oleiros, H.C. Verín, Atlántico de Vigo, e por Ourense o Albor, CSA, Barrocás e OurenSticks, foron os demais clubes con representación.

Tras a disputa dos partidos as clasificacións quedaron do seguinte xeito:

Prebenjamín: 1º CSA Ourense, 2º Santo Domingo de Padrón e 3º Verín H.C. 

Benxamín: 1º APA Oleiros, 2º Albor C.H. e 3 °C.H. Barrocás.

Parabéns a todos e a todas e sobre todo grazas aos clubes e familiares por facer realidade unha xornada como a vivida o sábado ao redor dos máis pequenos.

Galicia é Hóckey!!!

Esta fin de semana será intensa, porque o domingo 24 disputarase o Campionato Galego de Hóckey Herba Cadete e Xuvenil Xunta de Galicia, tamén no Campo de Mariñamansa en Ourense.

Unha cita á que chegan os mellores equipos da tempada nas respectivas categorías.

Así, o Campionato Cadete Masculino, enfrontará ao C.H. Barrocás e o C.H. Cidade de Ourense, mentras que no cadro Feminino, os participantes serán o Albor H.C. e o Escola H.C. 

E, o Campionato Xuvenil Masculino, os equipos que medirán as súas forzas son o OurenSticks e o Escola H.C.

Moita sorte a todos e a todas.

Galicia é Hóckey!!!

Despois da Copa Galicia dos maiores, chega a quenda dos máis pequenos e pequenas, co Campionato Galego de Hóckey Herba Prebenxamín e Benxamín Xunta de Galicia, este sábado 23 no Campo de Mariñamansa en Ourense.

Unha cita que congregará nunha mesma xornada a 19 equipos de ambas categorías, o que convirte este campionato na festa do hóckey de base de toda Galicia.

Na categoria Prebenxamín competirán:

• CSA Ourense.
• H.C. Santo Domingo de Padrón A.
• H.C. Verín.
• Albor C.H.
• C.H. Barrocás.
• Escola H.C.
• H.C. Santo Domingo de Padrón B.
• Atlántico H.C. 
• OurenSticks.
• Baronceli.
• Támega.

Mentres, na categoria Benxamín farano:

• Albor C.H.
• Escola H.C.
• Marinenses H.C.
• H.C. Verín.
• C.H. Barrocás.
• Atlántico H.C.
• CSA Ourense.
• APA Oleiros.

Moita sorte a todos e a todas.

Galicia é Hóckey!!!

Conclúe a Copa Galicia 2026 en Ourense coa cerimonia de entrega de premios, nunha fin de semana do mellor hóckey herba galego.

Tras as semifinais do sábado, que decidiron os equipos finalistas, na xornada do domingo disputáronse, en primeiro lugar, as finais de consolación, a continuación as finais absolutas, e para rematar a cerimonia de entrega de premios. 

Neste acto contamos coa presenza do noso presidente, Roberto Baratta, o Tenente de Alcalde de Ourense, Anibal Pereira, e o Xefe do Servizo de Deportes da Xunta de Galicia en Ourense, Manuel Pérez.

A entrega de medallas e trofeos foi unha verdadeira festa da deportividade, con equipos aplaudindo a outros e mesmo facendo corredores aos campións e campioas. 

Así, entregáronse as medallas e as copas na seguinte orde:

• Terceiro Clasificado Masculino OurenSticks.
• Terceiro Clasificado Feminino Irmáns Villar.
• 2º Masculino Cidade de Ourense.
• 2º Feminino Athletic Coruña.
• Máximo Goleador da liga Regular Masculina: Javier Grande C.H. Barrocás con 15 goles.
• Máxima Goleadora da liga Regular Feminina: Uxía Muños do OurenSticks con 10 goles
• Campión Masculino C.H. Barrocás.
• Campión Feminino OurenSticks.

No 4º posto remataron a competición os dous equipos do Hércules H.C. masculino e feminino.

Grazas a todos os clubs, á afección, aos xogadores, xogadoras e técnicos, aos colexiados e a todos os que fixestes posible esta Copa Galicia 2026.

Galicia é Hóckey.

Onte celebrouse a tradicional Gala do Hóckey Galego. Un evento que tivo lugar nas instalacións do Campo de Mariñamansa, un espazo que se está a converter en todo un clásico.

Na Gala contamos coa presenza de representantes dos clubes, estamentos, autoridades e homenaxeados, porque, como é habitual, ademais do repaso da tempada por parte do presidente da FGH, Roberto Baratta, realizáronse esta vez 4 recoñecementos.

Os homenaxeados foron:

• José Luis Sánchez Rama, pola súa participación coa Selección Española +50 de Hóckey Sala que acadou o Campionato do Mundo. Recolleu o premio a súa filla, xa que José Luis se atopaba preparando coa selección o seguinte campionato.
• La Voz de Galicia, pola súa labor divulgativa do noso deporte. Recolleu o premio Luis Manuel Rodríguez.
• Jaime Amorín Gómez que recolleu a medalla de prata da RFEH.
• Carlos García Cuenca, ourensano e seleccionador feminino abosulto de Hóckey Herba, que acadou a medalla de bronce no Europeo.
• José Ramón Lete Lasa, ex Director Xeral de Deportes da Xunta de Galicia pola súa traxectoria deportiva e apopio o hockey galego.

Ao termo da charla e da entrega de galardóns, os presentes gozaron dunha cea nun ambiente distendido e cordial.

Galicia é hóckey!!!

Os mellores equipos absolutos masculinos e femininos do Hóckey Herba galego danse cita esta fin de semana no campo de Mariñamansa en Ourense para disputar a Final 4 da Copa Galicia.

Un torneo que xa se ten convertido na festa do hóckey galego. 

A este cita chegan, logo de clasificarse os seguintes equipos:

Masculinos: 

• C.H. Barrocás
• Hércules H.C.
• OurenSticks
• Cidade de Ourense

Femininos:

• Athletic Coruña H.C.
• Irmáns Villar Ourense
• OurenSticks
• Hércules H.C.

Os partidos darán comezo o sábado 16 ás 12:00h. A cerimonia de entrega de premios está prevista para o domingo ás 17:00h. 

Moita sorte a todos e a todas.

Galicia é Hóckey!!!

A Federación Galega de Hóckey coa colaboración da Cruz Vermella de Ourense organizan esta xornada formativa intensiva sobre Primeiros Auxilios e DESA (Desfibrilador Externo Semiautomático) que terá lugar o sábado 16 de maio de 9:00 a 11:00h no Campo de Mariñamansa en Ourense.

Unha xornada coa que aprender o básico sobre cómo antender a alguén nos primeiros instantes tanto xogadores, adestradores, técnicos ou público. 

É totalmente gratuíta e para todos e todas a partir dos 14 anos. 

Se che interesa podes inscribirte neste formulario: t.ly/qDJC6