A última sesión do Plan Nacional de Tecnificación Deportiva da Real Federación Española de Hockey, celebrado en Cheste (Valencia), para os mozos e mozas sub14, Galicia estivo representada por Aitana Rodríguez, do OurenSticks, e Darío Sánchez, do Athletic Coruña.
Á cita acompañounos Ronny Fernández, responsable Sub14 galego e coordinador de escolas do CETEGA.
A pasada fin de semana disputáronse as fases de sector de hockey sala nacional, coa participación de dous clubes galegos. Os rapaces e rapazas do OurenSticks acudiron a Cantabria, mentras que o equipo masculino do Escola H.C. Incorpore Fisioterapia viaxou a terras valencianas.
Os rapaces do Escola remataron no cuarto posto o seu sector, competindo contra clubes coma Ath. Terrasa, Valencia, DXT Madrid e Codema Gijón.
As xogadoras do OurenSticks tiveron un durísimo sector, no que se enfrentaron ante rivais coma o Tenis, o Hocquet, o Grupo Covadonga e o Jolaseta. Pola súa banda os rapaces competiron bien contra ó Jolaseta e Grupo Covadonga, e cairon derrotados ante o Club de Campo e o Tenis.
De seguro esta participación foi toda unha experiencia para os nosos rapaces e rapazas.
Fundado en 1.973 é o segundo clube máis antigo de Galicia
O Clube de Hóckey Santo Domingo de Padrón celebrou a pasada fin de semana o seu 50 aniversario, cun un partido amigable no campo da Baiuca no que participaron «Vellas Glorias» contra «Resto do Mundo» e unha comida de confraternización, na que Yolanda Casanova, delegada da Federación Galega na Coruña, fixo entrega ao clube dunha placa conmemorativa polo aniversario.
O segundo clube de hóckey máis antigo de Galicia, fundado en novembro de 1973 por unha directiva presidida daquelas por Jesús Fráiz, comezou cun grupo de mozos padroneses xogando nunha nave do serradoiro Tato, aos que se uniron outros que entraron en contacto co deporte ao iniciar os seus estudos na USC.
Nos seus inicios, empregaban sticks de madeira feitos por eles mesmos, ata que os dominicos do Carmen autorizáronlles a empregar as súas instalacións, adquiriron paus oficiais e afiliáronse á Federación Galega para empezar a competir a nivel provincial. Os éxitos non tardaron en chegar e o clube entrou en competicións e torneos de maior rango, mesmo internacionais. Aos poucos abriuse un oco na elite nacional e hoxe está plenamente asentado no deporte padronés, grazas en boa medida ás súas categorías basee, tal e como destacou o Concello de Padrón na súa felicitación ao clube polo seu aniversario.
O xogador ourensán Breogán Figueiras Amorín (C.H. Barrocás, Ourense) ven de ser convocado pola Selección Nacional Sub18 para participar na concentración que terá lugar en Madrid, las instalacións do CAR, os vindeiros 19 e 20 de decembro. Unha noticia que serve para premiar o bo traballo que o xogador ven facendo no seu clube e na selección galega.
O martes 5 e mércores 6 tiveron lugar en Ourense as Sesións de Tecnificación Sub16 dirixidas polos seleccionadores nacionais femenina, Stefy Piris, e masculino, Sergio Tafalla, nas que participaron os xogadoras/es galegos xunto co staff do CeTeGa.
Adicionalmente celebrouse unha sesión técnica con adestradores de clubes galegos.
Esta visita forma parte do convenio de colaboración entre o CeTeGa da FGH e a RFEH para desenvolver programas e accións conxuntas de tecnificación.
O pasado domingo 3 de decembro, no Polideportivo Municipal de Amoeiro, celebrouse o Campionato Galego de Hóckey Sala Cadete Masculino e Feminino.
En ambas competicións resultou Campión o OurenSticks. No cadro feminino, impoñéndose ao Athletic Coruña. E no masculino, na final ante o Escola Coruña, que resultou subcampión, mentres que o terceiro posto foi para o Cidade de Ourense e o cuarto para o Atlántico H.C.
Así, tanto os rapaces como as rapazas do OurenSticks acadaron a clasificación para a Fase de Sector Nacional que se disputará en Cantabria. E o Escola Coruña masculino para o sector que se disputará en Valencia. Fases nas que os nosos e nosas competirán por unha praza no Campionato de España.
Participaron na entrega de trofeos, o Alcalde de Amoiro, José Luis González, o Concelleiro de Deportes, Brian Diz, o Presidente da Federación Galega de Hóckey, Roberto Baratta, e a Vocal da FGH, Estíbaliz Arrugaeta.
A Federación Galega de Hóckey agradeceu moi especialmente o esforzo do Concello de Amoeiro na remodelación da pista, que sitúa a este polideportivo como un dos mellores para a práctica do Hóckey Sala en Galicia.
O pasado domingo día 3 de decembro disputouse a Xornada final e a Entrega de Trofeos da Copa Deputación da Coruña, en Padrón, no Campo da Baiuca.
Una Copa na que resultou Campión o A.D. Cristo Rey (de Oleiros), subcampión o C.H. Santo Domingo (de Padrón), e o terceiro e cuarto posto foron para Athletic Coruña e Escola Coruña respectivamente.
No acto de entrega de trofeos contamos coa asistencia do Deputado de Deportes da Deputación Coruña, Antonio Leira, o Concelleiro de Deportes do Concello de Padrón, Luis Mariño e a Concelleira de Economía, Facenda e Turismo do Concello de Padrón. A FGH estivo representada pola súa Delegada na Coruña, Yolanda Casanova.
Parabéns a todos os equipos e grazas pola vosa participación.
