O domingo foi a xornada que definiu a clasificación final do Campionato Galego de Hóckey Sala Absoluto Xunta de Galicia. Desde ben cedo comezaron a disputarse partidos finais nas dúas sedes que acolleron o torneo, Oira e Pavillón de Os Remedios.

A xornada transcurriu co mesmo ambiente de deportividade e compañeirismo no que se desenvolveu todo o campionato. Na pista do Anexo do Pavillón de Os Remedios deuse cita unha amplísima cantidade de público cun cheo case absoluto para presenciar as dúas Finais, masculina e feminina.

Na final masculina o C.H. Barrocás alzouse co título ao gañar por un contundente 5-1 ao CSA Ourense. Mentres, na Final Feminina o OurenSticks A impúxose ao B por 6-1.

A Clasificación final deste Campionato quedou da seguinte maneira:

Campionato Masculino:

1º C.H. Barrocás

2º CSA Ourense

3º Hércules H.C.

4º C.H. Albor

5º Athletic Coruña

6º Ourensticks

7º Ximnástica Cudeiro

8º Atlántico H.C.

Campionato Feminino:

1º Ourensticks A

2º Ourensticks B

3º Athletic Coruña

4º Hércules H.C.

5º Villa Ourense

6º Cidade Ourense

7º Atlántico H.C.

8º Vigostick

Tras a disputa da Final Feminina tivo lugar a Cerimonia de entrega de Medallas e Trofeos, coa presenza das autoridades: Chuchi Hidalgo e Ignacio González, Asesor de Deportes e Tenente de Alcalde do Concello de Ourense, Enrique Álvarez, Asesor de Deportes da Deputación de Ourense, Manuel Pérez, Xefe do Servizo de Deportes da Xunta de Galicia en Ourense e Roberto Baratta, Presidente da Federación Galega de Hóckey.

Durante a Cerimonia fíxose entrega tamén dun detalle aos árbitros e técnicos que fixeron posible este campionato e outorgáronse os premios individuais:

Mellor Porteiro: César Quevedo do Hércules H.C.

Mellor Porteira: Morena Iturralde do Vigo Stick.

Máximo Goleador: Xurxo Cid do C.H. Barrocás.

Máximas Goleadoras, empatadas a goles: Lucía Lamelas de OurenSticks e Paula Sánchez do Athletic Coruña.

Cos postos alcanzados os rapaces de C.H. Barrocás e o OurenSticks masculinos xogarán o Sector Nacional no Anexo do Pavillón de Ourense o 1 e 2 de febreiro. E tamén se clasificaron para aos seus respectivos sectores CSA Ourense, Hércules H.C. e C.H. Albor.

Grazas tamén a todos os equipos pola súa participación, aos árbitros e técnicos que fixeron posible este campionato, e sobre todo ao público que fixo que o Hóckey Salga brille unha vez máis.

Galicia é Hóckey.

Deixámosvos aquí unha galería cos mellores momentos das Finais e da Cermonia de entrega de Medallas e Trofeos.

Dende esta mañá Ourense está a acoller a disputa do Campionato Galego de Hóckey Sala Xunta de Galicia, en dobre sede, o Anexo do Pavillón dos Remedios e o Polideportivo de Oira. 

A xornada foi intensa e cargada de partidos nos que brilou a deportividade e a sá competición, ademais dun amplo seguimento de público.

Tras a finalización de todos os partidos desta primeira Fase de Grupos xa coñecemos os enfrontamentos que terán lugar mañá:

Campionato Masculino:

7º e 8º Posto – 09:00H – Oira – Atlántico HC vs Ximnástica Cudeiro

5º e 6º Posto – 11:00H – Oira – Ourensticks vs Athletic Coruña

3º e 4º Posto – 09:30H – Pavillón – CH Albor vs Hércules HC

FINAL – 11:30H – Pavillón – CH Barrocás vs CSA Ourense

Campionato Feminino:

7º e 8º Posto – 10:00H – Oira – Atlántico HC Vs Vigostick

5º e 6º Posto – 12:00H – Oira – Cidade Ourense vs Irmás Villar 

3º e 4º Posto – 10:30H – Pavillón – Athletic Coruña vs Hércules HC

FINAL – 12:30H – Pavillón – Ourensticks A vs Ourensticks B

Os 5 primeiros clasificados no torneo masculino clasifícanse para disputar o sector de clasificación para o Campionato de España, e que o 1er clasificado femenito tamén. 

A mañá do domingo terminará ás 13:30H coa Cerimonia de Entrega de Medallas e Trofeos.