Fin de semana intensa en Ourense, xa que tras do Galego de Sala Infantil o sábado, Mariñamansa acolle o Campionato Galego de Hóckey Herba Alevín. 

O céspede artificial do Campo Municipal de Ourense acollerá o domingo 27 de abril todos os partidos que enfrontarán aos seguintes equipos:

• OurenSticks (Ourense).
• Escola H.C. (A Coruña). 
• C.H. Albor (Ourense).
• Cidade de Ourense (Ourense).
• Athletic Coruña (A Coruña).
• A.D. Cristo Rey (Oleiros).
• C.S.A. Ourense (Ourense).

Moita sorte a todos!!!!

Galicia é Hóckey.

Chega a quenda para rematar a tempada de hockey sala para os infantís masculinos e femininos. 

Este sábado 26 de abril, o Polideportivo Municipal de Oira, en Ourense, acolle o Campionato Galego de Hóckey Sala Infantil Xunta de Galicia. 

Unha xornada que contará coa participación no cadro feminino dos equipos do OurenSticks (Ourense), Escola H.C. (A Coruña) e C.H. Albor (Ourense). Mentres que no cadro masculino enfrontaranse OurenSticks (Ourense), C.H. Albor (Ourense) e Atlántico H.C. (Vigo).

Moita sorte a todos!!!!

Galicia é Hóckey.

Darío Sánchez, do Athletic Coruña, irá coa Sub16 Nacional a Valencia para disputar o Torneo 4 Nacións do 15 ao 21 de abril, e Manu Lamelas, do C.H. Barrocás, fará o propio co combinado Sub18 no 4 Nacións que se disputará en Le Touquet, Francia.

Dúas promesas que xa son unha realidad do nos hockey e que levarán Galicia por bandeira coa Selección Española.

Moitísima sorte rapaces!!!!

Galicia é Hóckey!!!

Desde a Federación Galega de Hockey seguimos avanzando coa execución do Plan Fomento Hockey Deputación de Ourense, un proxecto deportivo e educativo financiado pola Deputación de Ourense, que ten como obxectivo achegar o hockey aos centros escolares da provincia, combinando deporte, valores e aprendizaxe.

FASE 1 – Intervención en centros educativos

O plan arrancou no mes de marzo e continuará durante o mes de abril, cunha excelente acollida por parte dos centros escolares da provincia. Ata o momento, esta foi a planificación:

Semana 1

• CEIP Plurilingüe Benchoshey 

Semana 2

• María Auxiliadora – Salesianos Ourense

• CEIP Amoeiro

• Maristas Santa María

• CEIP Antonio Failde (Cambeo)

Semana 3 (actual)

• CEIP Padre Feijoo (Allariz) 

• Divina Pastora – Franciscanas 

Semana Santa

• Descanso programado

Última semana de abril

• CEIP Seixalbo

• CEIP Irmáns Villar (Ourense)

Estas xornadas están a ser impartidas por monitores especializados da Federación, sempre en colaboración co profesorado de Educación Física dos centros, promovendo unha experiencia educativa e deportiva de calidade.

FASE 2 – Actividades comarcais (maio)

Durante os venres do mes de maio, comezarán as xornadas comarcais, nas que se desenvolverán actividades de hockey en distintas comarcas da provincia. O obxectivo é xuntar a alumnado de diferentes centros para fomentar a convivencia e seguir promovendo a práctica do hockey en contornas naturais e colaborativas.

FASE 3 – Gran evento final (xuño)

O proxecto culminará cun gran evento: o Día do Hockey, que se celebrará no mes de xuño no Campo de Mariñamansa (Ourense). Será unha xornada especial de encontro, convivencia e actividade física, que reunirá a todos os colexios participantes nun día lúdico e festivo.

 Agradecemento á Deputación de Ourense

Este proxecto é posible grazas ao apoio total da Deputación de Ourense, que aposta polo deporte base, a educación en valores e a promoción do hockey como disciplina emerxente no ámbito escolar.

Desde a Federación Galega de Hockey queremos agradecer publicamente a súa implicación e compromiso coa infancia e co deporte educativo, así como o apoio de todos os centros, profesorado e familias participantes