Nace a EGAX: Escola Galega de Árbitros e Xuíces

Nace a EGAX: Escola Galega de Árbitros e Xuíces, dentro da misión fundacional do CeTeGa como órgano de formación e especialización de árbitros e xuices de Galicia e con un triple obxectivo:

– Promover a labor arbitral engadindo novos colexiados e xuíces en toda Galicia.
– Aumentar o nivel e capacitación dos existentes.
– Promover e fomentar a figura do colexiado, a súa función esencial neste deporte.

A súa primeira convocatoria formativa terá lugar o próximo mércores día 30 de decembro, da man de Daniel Rodriguez, colexiado internacional galego que impartirá un Seminario de Actualización en Ourense.

Acto de entrega co Banco de Alimentos

Finalizada a campaña solidaria, realizamos a entrega dos alimentos aportados pola comunidade do Hóckey ao Banco de Alimentos de Ourense. Casi 200 kilos de alimentos non perecedeiros, que teñen como destino a xente máis necesitada.

Moitísimas grazas a [email protected] @s que aportástedes algún alimento, participando nesta gran iniciativa que poñemos en marcha neste 2020, e realizaremos todo os anos, coa axuda de [email protected] vós. 

#somoshocleygalegosolidario

CETEGA – Tecnificación en Ourense, 12-13 decembro 2020

Nova Xornada de tecnificación ao amparo do CETEGA, no campo de Mariñamansa (Ourense), os días 12 e 13 de decembro de 2020.

O sábado 12 asistiron rapaces e rapazas de toda Galicia, das categorías sub14 e sub 16 feminina, e a sub16 masculina.

O domingo 13 a tecnificación desenvolveuse con xogadoras sub14 e sub16 de Ourense.

Liga provincial Ourense Hockey Sala Masculina

Comeza a competición Hóckey Sala en Ourense, coa a participación de 6 equipos, que disputarán una liguilla a doble volta, desde o 12 de decembro de 2020 ao 10 de xaneiro de 2021.

Os sábados os partidos terán lugar no polideportivo de Oira (Ourense) e a xornada do domingo trasládase ao veciño Concello de Amoeiro, no polideportivo municipal. Un paso máis para levar o deporte do hóckey a máis concellos, e promocionar o noso deporte en Galicia. 

Tedes o calendario completo de partidos disponible na nosa web.  

 

Campeonato Galego Cadete Masculino Hockey Sala

O martes 8 de decembro, no Pavillón do Ventorrillo (A Coruña) levouse a cabo a competición do Campeonato Galego Cadete Masculino de Hóckey sala. Disputouse unha liguilla de 3 encontros, e o resultado final foi o seguinte:

Campións Galegos: Club Hockey Barrocás
Subcampións: Escola HC
Terceiro lugar: Athletic Coruña HC

Parabéns aos equipos participantes, especialmente ó CH Barrocás, polo título de Campións galegos. Agradecer ao club Escola HC e ao Concello da Coruña pola colaboración na organización do campeonato, así como á Concelleira Mónica Martínez pola súa presenza.
.
Podedes consultar os Resultados do Campeonato na sección de Competicións, na nosa web.

 

Campeonato Galego Cadete Feminino Hockey Sala

O domingo 6 de decembro, no Pavillón do Ventorrillo (A Coruña) levouse a cabo a competición do Campeonato Galego Cadete Feminino de Hóckey sala. Disputouse unha liguilla de 3 encontros, e o resultado final foi o seguinte:

Campeonas Galegas: Escola de hockey A Coruña
Subcampeonas: Athletic Coruña HC
Terceiro lugar: Atlántico Hockey Club

Parabéns aos equipos participantes, especialmente ó Escola HC, polo título de Campeonas Galegas. E pola organización do campeonato, que foi todo un éxito.

Agradecer tamén ao Concello da Coruña pola colaboración na organización do campeonato, así como á Concelleira Mónica Martínez pola súa presenza.
.
Podedes consultar os Resultados do Campeonato na sección de Competicións, na nosa web.

.

Campionatos galegos CADETE de Hóckey Sala

Na Ponte festiva (6 ao 8 de decembro) celébranse en A Coruña os Campeonatos galegos categoría CADETE, Hockey Sala. No Polideportivo do Ventorrillo. 

CADETE FEMININO: 6 de decembro de 2020
Equipos participantes: Escola HC (A Coruña), Atlántico Vigo, Atletic Coruña HC.
⌚ Consultade os Horarios de competición neste enlace

CADETE MASCULINO: 8 de decembro de 2020
Equipos participantes: Escola HC (A Coruña), CH Barrocás (Ourense), Atletic Coruña HC.
⌚ Consultade os Horarios de competición neste enlace

⛔ Debido aos protocolos sanitarios e de seguridade, estes campeonatos desenvolveranse a PORTA PECHADA.

  Podedes seguir os partidos online, a través da web da FGH, apartado de competicións