Un campus pensado para deportistas que queren dar un paso máis
A Federación Galega de Hóckey, en colaboración con Hockey Management, organiza este verán unha nova edición do Campus de Tecnificación Ourense 2025, un espazo de adestramento intensivo, motivador e de alta calidade, dirixido a xogadores e xogadoras de hóckey herba que queiran perfeccionar a súa técnica individual e seguir progresando no seu rendemento deportivo.
Durante catro días, os/as participantes recibirán formación técnica especializada da man dun equipo de adestradores con ampla experiencia tanto a nivel nacional como internacional. Traballarase en grupos reducidos, adaptados por idade e nivel, para garantir un seguimento personalizado e unha aprendizaxe eficaz e segura.
Este campus non é só un espazo de mellora técnica, senón tamén unha experiencia enriquecedora, onde se fomentan valores como o compromiso, a disciplina, o compañeirismo e a paixón polo hóckey.
Información do Campus
- Datas: 28, 29, 30 e 31 de xullo de 2025
- Horario diario
- Todos os días: Actividade de 09:30 a 13:00
- Lugar: Campo de Hóckey de Mariñamansa – Ourense
- Dirixido a: Xogadores e xogadoras a partir da categoría alevín con experiencia previa en hóckey herba.
- Metodoloxía:
- Grupos reducidos e nivelados
- Corrección individualizada
- Adestramentos técnicos especializados
- Uso de materiais profesionais (crazy catch, rampas, reboteros, etc.)
- Prezo: 100 € por participante
- 📞Contacto para dúbidas: Cristian – 623 03 61 36
