O protocolo Fisicovid-DXTgalego, que xa estaba vixente desde xullo de 2020, ven de ser actualizado e certificado pola Secretaria Xeral para o Deporte da Xunta de Galicia. Este documento da Federación Galega de Hóckey, para a práctica de Hóckey e Hóckey Sala en Galicia, polo que se establecen as medidas para facer fronte á crise sanitaria ocasionada pola COVID-19 no ámbito do deporte federado de Galicia.

Accesos aos documentos:

Certificado SXPD Protocolo COVID FGH

Protocolo COVID FGH OCT20

Anexo I ENTRENOS Protocolo COVID FGH OCT20

Anexo II COMPETICION Protocolo COVID FGH OCT20

Modelos declaración responsable Protocolo COVID FGH OCT20

Desde a FGH queremos lembrar a todos a responsabilidade individual e colectiva que temos como individuos, como responsables de equipos e clubs e como federación, de cumprir e facer cumprir estes protocolos.

Neste momento é a clave para poder desenvolver actividade competitiva. Tamén lembrar que os protocolos liquidan as distintas posibilidades, que a posibilidade de positivos esta aí, como en calquera outro ámbito social, escolar, familiar ou laboral, e que sen definitiva trátase de tomar as decisións axeitadas, aplicar os protocolos e seguir as instrucións ditadas polos organismos competentes.

A concelleira de Deportes do Concello da Coruña, Mónica Martínez, recibiu no concello as xogadoras coruñesas de hóckey herba da Selección Galega SUB-14, que gañaron o campionato de España no pasado mes de marzo. A edila deulles a noraboa tanto ás deportistas: Marta, Inés, Docha, Lola, Noa, Alba e Ainara, como ao persoal técnico do Centro de Tecnificación de Galicia na Coruña: Álvaro Rodríguez, Estíbaliz Arrugaeta e Ángel Iglesias. Martínez estivo acompañada da delegada da Coruña da Federación Galega de Hóckey, Yolanda Casanova, e do responsable da Promoción da Federación Galega Hóckey, Roberto Baratta.

Leer más→

A Federación Europea de Hóckey ven de anunciar a designación das sedes dos Campionatos de Europa de Hóckey Sala 2022, recibindo a Federación Galega a mellor das noticias: a designación de Ourense como Sede do Campionato de Europa de Seleccións Femininas, a celebrar do 21 ao 23 de Xaneiro de 2022.

Non por esperada deixa de ser relevante a designación do Pazo dos Deportes como sede deste evento de máximo nivel, que traerá á cidade ás seleccións de Bélxica, Croacia, Irlanda, Lituania, Polonia, Escocia, Suíza e por suposto España como anfitrioa.

Esta candidatura foi presentada pola Federación Galega de Hóckey dentro da súa planificación 2020-2022 en colaboración coa Deputación Provincial de Ourense e o apoio da Real Federación Española de Hóckey. A proposta do Pazo dos Deportes como instalación de máximo nivel foi unha das claves da designación, así como o arraigamento do hóckey sala na cidade.

Previamente, o Pazo dos Deportes albergará en febreiro do 2021 a Fase Final do Campionato de España masculinode clubs, magnífica oportunidade para demostrar e afinar as capacidades organizativas de fronte ao compromiso Europeo.

🏑HOCKEY É MOITO MÁIS🏑
Continuamos coas accións enmarcadas dentro do PLAN CONCELLOS, para levar o noso deporte a distintas poboacións e fomentar á súa promoción.
🤝 Vense de pechar un acordo entre o Concello de Amoeiro , o Club Cidade de Ourense e a FGH, para a creación dunha Escola de Hóckey na localidade.
GRAZAS ao Concello de Amoeiro pola acollida, a colaboración, e ao Club Cidade de Ourense tamén pola súa colaboración na posta en marcha desta nova Escola de Hóckey.

📷 Na foto de «familia» do acto: José Luis González, Alcalde de Amoeiro no centro, coa presidenta e director técnico do Club cidade de Ourense, e o responsable de promoción da Federación Galega de Hóckey.

#Hockeytízate: Acordo de colaboración entre a FGH, Concello de Padrón e o Club Santo Domingo.

O Concello de Padrón sentou as bases para a creación dunha Escola de Hockey, xunto a dous ex-xogadores da vila e co apoio da
Federación Galega de Hockey. O obxectivo é ofrecer un novo deporte aos nenos e nenas padroneses. A iniciativa xurdiu tras poñerse en contacto un grupo de afeccionados de Padrón e a Federación Galega.

A tradición deste deporte na vila remontase a 1976, cando se fundou o equipo Santo Domingo, que tras varias décadas de éxitos competitivos autonómicos deixou de xogar durante catro anos. Agora, Óscar Mozas e Rodrigo Casal retoman a ilusión por este deporte. A finalidade é fomentar esta actividade dende a base, e que os nenos e nenas teñan alternativas aos deportes maioritarios, e a partir deste xogo poñer en valor a amizade, a igualdade e o compañeirismo.

Desde a enténdese que “esta actuación cos Concellos enmárcase dentro do Plan Concellos, co que se pretende incentivar e promocionar o noso deporte, para que sexa máis coñecido e para que nos lugares nos que xa se xoga poidan mellorar e perfeccionarse”.

O Concelleiro de Deportes, Ángel Rodríguez, mostrou a súa satisfacción por iniciar esta colaboración e destacou “o importante que é para Padrón que xurdan iniciativas coma esta para dinamizar a vila e presentar unha oferta máis ampla de ocio e deporte para as novas xeracións”.
As clases de hockey terán lugar no Polideportivo do Souto e poden inscribirse nenos e nenas de idades comprendidas entre os 5 e 14 anos. A data de inicio aínda está por determinar.

¿Que é o Plan Concellos?

O Plan Concellos responde o desenrolo dunha das liñas do Plan Impacto da FGH para o desenrolo do hóckey en Galicia, promoción da súa práctica, e captación de xogadores, familias, público, intereses, patrocinadores e apoio institucional e social.

O Plan ten básicamente tres obxectos de actuación:

• Uso de instalacións deportivas para a práctica do hóckey herba e sala.
• Colaboración, xestión e investimentos, reformas e adaptacións en instalacións deportivas e material para a práctica do hóckey
• Creación e desenrolo de Escolas Deportivas Municipais.

¿En qué consiste?

O Plan Concellos se formaliza cun acordo entre partes, a proposta da FGH, e en colaboración co Concello interesado. Pode tratarse dun acordo a tres partes cando hai un club, rexistrado na FGH, que desexe asumir a xestión deportiva do acordo.

Estes acordos son específicos en cada caso e terán a validez e condicións especificas acordadas para cada actuación.

¿Quén participa?

O Plan está dirixido a calquer Concello galego interesado en incorporar ou mellorar a implantación e desenrolo do hóckey herba e sala na súa oferta deportiva.

Asemade, está dirixido a tódolos clubs que desexen implantar, extender ou mellorar as súas escolas.

Os Concellos que colaboran coa FGH neste 2020, pódense consultar no Plan Concellos.

O próximo  8 de Septembro, a Selección Femenina Sub-14 será recibida por José Ramón Lete Lasa, Secretario Xeral para o Deporte, da Xunta de Galicia. O acto terá lugar no edificio da «Casa de Chocolate», sede administrativa da Xunta de Galicia.

Esta recepción estaba pendente, e ven a recoñecer de novo o gran logro acadado polas xogadoras da Selección galega Sub-14, que se proclamaron Campeonas de España na competición celebrada no mes de febreiro de 2020.

Lembrar, que a RFEH adxudicou a Galicia a celebración do  Campeonato de España de Selecciones Autonómicas Hockey Hierba Sub14 Femenina e Masculina. Se as condicións sanitarias e administrativas o permiten, as datas da competición serán do 26 ao 28 de febreiro de 2021.

Comisión Gestora FGH.