Tras a disputa dos partidos de clasificación, na xornada dominical, o equipo ourensán de Club Hóckey Barrocás proclamouse Campión galego de Hóckey Salaa, categoría sénior masculino. Con este triunfo por 8 a 4 sobre CH Albor, clasifícase directamente para a Fase Final do Campionato de España, que se celebrará en Ourense do 5 ao 7 de febreiro de 2021.

O subcampión foi o equipo ourensán de Club Hóckey Albor, que disputará a próxima fin de semana unha Fase de Sector en Cantabria, buscando a clasificación para o Campionato Nacional.

Finalizado o Campionato, facemos un balance positivo logo dunha fin de semana chea de deporte, e onde o hóckey galego demostrou que é posible facer unha competición con todas as garantías sanitarias, aplicando todos os protocolos antiCovid determinados pola Secretaría Xeral para ou Deporte.

Agradecer ao Concello da Coruña a enorme colaboración e tamén a todos os Clubs, xogadores, directivos, árbitros, Staff da FHG e tamén ao público asistente, o seu comportamento e cumprimento dos protocolos.

CLASIFICACIÓN FINAL:

1. CH Barrocás

2. CH Albor

3. CH Barrocás ( B)

4. Santiago Apóstolo

5. At. Coruña HC

6. Escola HC

7. Ximnástico Cudeiro

8. Atlántico Vigo HC

A Coruña, 12 de xaneiro de 2021.

A concelleira de Deportes, Mónica Martínez, presentou esta mañá o Campionato Galego de Hóckey Sala na modalidade Senior Absoluta Masculina, que terá lugar esta fin de semana no Pazo dos Deportes de Riazor e no pavillón de Novo Mesoiro.

Logo de que na tempada pasada os equipos ourensanos quedaran arriba na clasificación co Club Hóckey Barrocás como gañador, nesta edición serán cinco equipos de Ourense –CH Barrocás, CH Albor Senior, CH Barrocás Caldaria, Gimnástico Cudeiro e Santiago Apóstol- os que se enfrontarán aos coruñeses Escola HC e Atlético Coruña e mais ao Atlántico de Vigo.

A edila destacou que por primeira vez A Coruña acollerá esta cita nun acto de presentación en que tamén participaron a delegada da Coruña da Federación Galega de Hóckey, Yolanda Casanova, e o responsable da promoción, Roberto Baratta. Ambos os responsables sinalaron que esta especialidade ten moito impacto en Galicia xa que a súa práctica non depende das condicións meteorolóxicas: “Esta entrega será a que contará con máis aspirantes en anos”, indicou Baratta.

Repartidos en dous grupos, os clubs xogarán o sábado até doce encontros dos que sairá unha clasificación previa para protagonizaren o domingo a final do campionato nunha xornada que comezará ás 09.00 horas. Deste xeito, os peor puntuados loitarán a esa hora polo sétimo posto, mentres que o quinto e o sexto lugar estarán en xogo nun segundo partido ás 10.15 horas.

Un terceiro choque despexará o “bronce” dun podium do que se saberá os equipos que ocuparán as posicións máis altas despois do último dos encontros, fixado para as 13.00 horas.

A clasificación confórmana sete clubs senior inscritos e o mellor filial que, neste caso, é o Barrocás Caldaria de Ourense. O campión galego pasará directamente a disputar o campionato nacional, que se celebrará do 5 ao 7 de febreiro en Ourense. O segundo xogará no sector de Santander e o terceiro formará parte do Sector de Cádiz.

O equipo ourensán proclamouse Campión galego de Hóckey Sala, na categoría senior feminino. Trala competición celebrada hoxe no Polideportivo de Oira (Ourense).

PALMARÉS:
🥇 Burgas Ourense
🥈 CH Albor
🥉 At. Coruña HC

** Resultados e clasificación no Match Center da FGH.

Na entrega de Trofeos e medallas, agradecemos a presenza de Gabriel Alén Castro, Delegado da Xunta de Galicia na provincia de Ourense.

Nace a EGAX: Escola Galega de Árbitros e Xuíces, dentro da misión fundacional do CeTeGa como órgano de formación e especialización de árbitros e xuices de Galicia e con un triple obxectivo:

– Promover a labor arbitral engadindo novos colexiados e xuíces en toda Galicia.
– Aumentar o nivel e capacitación dos existentes.
– Promover e fomentar a figura do colexiado, a súa función esencial neste deporte.

A súa primeira convocatoria formativa terá lugar o próximo mércores día 30 de decembro, da man de Daniel Rodriguez, colexiado internacional galego que impartirá un Seminario de Actualización en Ourense.