Noticias

Campionatos galegos CADETE de Hóckey Sala

Na Ponte festiva (6 ao 8 de decembro) celébranse en A Coruña os Campeonatos galegos categoría CADETE, Hockey Sala. No Polideportivo do Ventorrillo. 

CADETE FEMININO: 6 de decembro de 2020
Equipos participantes: Escola HC (A Coruña), Atlántico Vigo, Atletic Coruña HC.
⌚ Consultade os Horarios de competición neste enlace

CADETE MASCULINO: 8 de decembro de 2020
Equipos participantes: Escola HC (A Coruña), CH Barrocás (Ourense), Atletic Coruña HC.
⌚ Consultade os Horarios de competición neste enlace

⛔ Debido aos protocolos sanitarios e de seguridade, estes campeonatos desenvolveranse a PORTA PECHADA.

  Podedes seguir os partidos online, a través da web da FGH, apartado de competicións

CETEGA – Tecnificación en A Coruña – 22 nov

O programa de tecnificación do CeTeGa desenvolveu unha nova xornada de tecnificación, desta vez no Campo da Torre, A Coruña. Os xogadores e xogadoras participantes forman parte das seleccións galegas sub-14  masculina e feminina.
 
Unha concentración dentro do programa de preparación de cara ós Campeonatos de España de seleccións autonómicas Sub-14 da tempada 2020/2021, que terán lugar en Ourense no mes de febreiro de 2021.
 
Durante o transcurso da xornada, recibiron a visita de Mónica Martinez, concelleira de Deportes do Concello de A Coruña, que se interesou polos xóvenes xogadores/xogadoras galegos e a súa preparación de cara as próximas competicións. 

RECOLLIDA DE ALIMENTOS nos campos de hóckey de Galicia

🏑HOCKEY GALEGO é SOLIDARIO🏑

RECOLLIDA DE ALIMENTOS non perecedeiros nos campos de hóckey de Galicia. Unha campaña da FGH, en colaboración cos Bancos de Alimentos de Vigo, Ourense e A Coruña.

¿CÁNDO PODEDES FACELO? Do 21 de novembro ao 20 de decembro de 2020.

¿ONDE SE DONAN OS ALIMENTOS? Nos campos onde se celebren competicións de hóckey herba e sala. En Ourense, Vigo e A Coruña.

¿CÓMO O FACEMOS? Encontraredes un punto de entrega, ben señalizado, onde poder deixar os alimentos.

😀 Xa sabedes, facede un pequeno esforzo e poñede o voso gran de area nesta gran iniciativa solidaria.

#somoshockeygalegosolidario

CETEGA: Convenio entre a FGH e a Clínica Casiano (Ourense)

🏑GALICIA É HOCKEY🏑

A Federación Galega de Hóckey ven de asinar un convenio coa Clínica Casiano de Ourense, para a revisión, recoñecemento, prevención e seguimento de lesións dos xogadores/ as rexistrados nos programas do Centro de Tecnificación de Galicia (CeTeGa).

Proporcionando así capacidades médicas avanzadas aos programas de tecnificación de hóckey de Galicia. Clínica Casiano, líder en prestación de servizos avanzados de prevención e seguimento de lesións, coidará da saúde dos xogadores e xogadoras, en apoio dos Servizos Médicos da FGH.

Na foto do acto, José Manuel Vázquez «Casiano» e Roberto Baratta, en representación da FGH.

CeTeGa – TECNIFICACIÓN SUB14 EN OURENSE – 15 nov

 
O domingo 15 de novembro tivo lugar unha xornada de tecnificación e formación no campo de Mariñamansa (Ourense), con xogadores Sub 14 tanto masculinos como femininos. Seleccionados chegados das cidades de Ourense, Vigo e A Coruña. 
 
As actividades formativas do CeTeGa terán continuidade nas cidades de Ourense, Vigo e A Coruña. Co obxectivo de promocionar o deporte do hóckey en Galicia, e formar os/as xogadores máis xóvenes.

CeTeGa – TECNIFICACIÓN SUB14 EN A CORUÑA – 13 nov

 
O programa de tecnificación do CeTeGa arrincou o pasado venres (13 de novembro) no Campo da Torre, A Coruña.  Desenvolvendo a xornada sub14 masculina cos xogadores locais preseleccionados.
 
As actividades formativas do CeTeGa terán continuidade nas cidades de Ourense, Vigo e A Coruña. Co obxectivo de promocionar o deporte do hóckey en Galicia, e formar os/as xogadores máis xóvenes.
 
Comisión Xestora FGH.

 

Excepción deporte federado non profesional en Galicia

Achégase interpretación ditada por esta Secretaría Xeral para o Deporte aclaratoria da aplicación ao deporte federado das medidas previstas do Decreto 178/2020, do 30 de outubro, do presidente da Xunta de Galicia, polo que se adoptan medidas en determinados ámbitos territoriais da Comunidade Autónoma de Galicia para facer fronte á crise sanitaria, na condición de autoridade competente delegada no marco do estado de alarma declarado polo Real decreto 926/2020, do 25 de outubro, polo que se declara o estado de alarma para conter a propagación de infeccións causadas polo SARS-CoV-2, así como no Real Decreto 926/2020, do 25 de outubro, polo que se declara o estado de alarma para conter a propagación de infecións causadas polo SARS-CoV-2.

Interpretacion Decreto 178

Comisión Xestora F.G.H.

Protocolo COVID da FGH – Actualizado Octubre 2020

O protocolo Fisicovid-DXTgalego, que xa estaba vixente desde xullo de 2020, ven de ser actualizado e certificado pola Secretaria Xeral para o Deporte da Xunta de Galicia. Este documento da Federación Galega de Hóckey, para a práctica de Hóckey e Hóckey Sala en Galicia, polo que se establecen as medidas para facer fronte á crise sanitaria ocasionada pola COVID-19 no ámbito do deporte federado de Galicia.


Accesos aos documentos:

Certificado SXPD Protocolo COVID FGH

Protocolo COVID FGH OCT20

Anexo I ENTRENOS Protocolo COVID FGH OCT20

Anexo II COMPETICION Protocolo COVID FGH OCT20

Modelos declaración responsable Protocolo COVID FGH OCT20


Desde a FGH queremos lembrar a todos a responsabilidade individual e colectiva que temos como individuos, como responsables de equipos e clubs e como federación, de cumprir e facer cumprir estes protocolos.

Neste momento é a clave para poder desenvolver actividade competitiva. Tamén lembrar que os protocolos liquidan as distintas posibilidades, que a posibilidade de positivos esta aí, como en calquera outro ámbito social, escolar, familiar ou laboral, e que sen definitiva trátase de tomar as decisións axeitadas, aplicar os protocolos e seguir as instrucións ditadas polos organismos competentes.

 

 

Recepción das Campioas de España Sub-14 no Concello de A Coruña

A concelleira de Deportes do Concello da Coruña, Mónica Martínez, recibiu no concello as xogadoras coruñesas de hóckey herba da Selección Galega SUB-14, que gañaron o campionato de España no pasado mes de marzo. A edila deulles a noraboa tanto ás deportistas: Marta, Inés, Docha, Lola, Noa, Alba e Ainara, como ao persoal técnico do Centro de Tecnificación de Galicia na Coruña: Álvaro Rodríguez, Estíbaliz Arrugaeta e Ángel Iglesias. Martínez estivo acompañada da delegada da Coruña da Federación Galega de Hóckey, Yolanda Casanova, e do responsable da Promoción da Federación Galega Hóckey, Roberto Baratta.

Leer más

Ourense, sede do Campionato de Europa Hockey sala femenino, do 21-23 xaneiro 2022

A Federación Europea de Hóckey ven de anunciar a designación das sedes dos Campionatos de Europa de Hóckey Sala 2022, recibindo a Federación Galega a mellor das noticias: a designación de Ourense como Sede do Campionato de Europa de Seleccións Femininas, a celebrar do 21 ao 23 de Xaneiro de 2022.

Non por esperada deixa de ser relevante a designación do Pazo dos Deportes como sede deste evento de máximo nivel, que traerá á cidade ás seleccións de Bélxica, Croacia, Irlanda, Lituania, Polonia, Escocia, Suíza e por suposto España como anfitrioa.

Esta candidatura foi presentada pola Federación Galega de Hóckey dentro da súa planificación 2020-2022 en colaboración coa Deputación Provincial de Ourense e o apoio da Real Federación Española de Hóckey. A proposta do Pazo dos Deportes como instalación de máximo nivel foi unha das claves da designación, así como o arraigamento do hóckey sala na cidade.

Previamente, o Pazo dos Deportes albergará en febreiro do 2021 a Fase Final do Campionato de España masculinode clubs, magnífica oportunidade para demostrar e afinar as capacidades organizativas de fronte ao compromiso Europeo.