Escola HC e At. Coruña, Campións galegos cadete hóckey herba

Escola HC e At. Coruña HC, proclamáronse Campións galegos CADETE mixto e feminino, de hóckey herba. Os títulos autónomicos viaxan a terras coruñesas, logo da competición celebrada no campo de Mariñamansa. En categoría cadete mixto, os xogadores do Escola HC derrotaron na Final por 4 a 1 ao Cidade de Ourense. Terceiro posto para CH Barrocás que gañou por 3 a 2 ao Atlántico de Vigo.

En categoría feminina, Final a dobre partido entre equipos coruñeses. O club At. Coruña derrotou por 6-3 e 5-0 ao Escola HC, e con elo proclamouse campión galego.

CONVOCATORIA PROCESO ELECTORAL FGH 2022

Unha vez publicados no apartado desta mesma web “Proceso Electoral 2022” :

  • Regulamento Electoral e Calendario Electoral, aprobados pola Secretaría Xeral para o Deporte, cas instrucións, datas e documentos necesarios para o proceso. Reclamación mediante proceso contencioso administrativo nos dous meses seguintes a súa aprobación.
  • Nomeamento da Xunta Electoral, segundo o regulamento anterior, para que sexa constituída no prazo de dous días hábiles dende a presente convocatoria. Reclamación dende hoxe ante o Comité Galego de Xustiza Deportiva no mesmo prazo de dous días hábiles.
  • Censo Provisional que figurará exposto 10 días hábiles desde hoxe ata o 3/06/2022. Reclamacións, ou comunicacións de opcións individuais no caso de persoas en varios estamentos ou modalidades, ante a Xunta Electoral. Publicación do Censo Definitivo o 23/06/2022 como máximo.

Confirmamos oficialmente a CONVOCATORIA DAS ELECCIÓNS 2022 para Membros da Asemblea Xeral, Presidente/a e Comisión Delegada da Federación Galega de Hockey, sendo electores e elixibles como membros da asemblea os integrantes do futuro censo definitivo:

20 membros da asemblea con 11 clubs,  4 deportistas, 3 técnicos/as e 2 árbitros/as:

  • Presentación candidaturas do 23/06/2022 o 30/06/2022
  • Fin solicitude voto por correo: 01/07/2022
  • Votacións 10-12h do 10/09/2022 en Ourense (Sede FGH no Campo de Fútbol o Couto) e A Coruña (Salón de actos Complexo Deportivo Elviña).

Presidente/a e Comisión Delegada con 7 membros (Presidente + 6):

  • Votacións 10-12h do 12/11/2022 en Ourense (Sede FGH no Campo de Fútbol o Couto)

Finalmente reiteramos as canles telemáticas para remisións de informacións e documentacións:

  • Comité Galego de Xustiza Deportiva s/sede electrónica: https://sede.xunta.gal
  • Rúa Madrid 2-4, Fontiñas, 15781 Santiago de Compostela

 

Presidente Comisión Xestora FGH

CH Albor, Campións galegos Alevin mixto hóckey herba

O club ourensán Club Hockey Albor proclamouse Campión galego Alevin mixto, na modalidade de hóckey herba, no campionato celebrado en Mariñamansa o sábado 21 de mayo. Tras un torneo inmaculado, gañando con solvencia todos os seus partidos, os rapaces do equipo do Couto proclamáronse campións galegos en Mariñamansa, gañando a CH Barrocás na Final.

CLASIFICACIÓN CAMPIONATO:
Campión: CH Albor
Subcampión: CH Barrocás
Terceiro: Villar Ourense
4º Escola HC
5º Cidade de Ourense
6º Atlántico HC

Villar Ourense e CH Barrocás, campións Copa Galicia 2022

Os dous equipos ourensáns son os novos campións da Copa Galicia, en categoría feminina (Villar Ourense) e masculina (CH Barrocás). A final feminina foi moi igoalada, rematando 1-1 e tendo desenlace na rolda de «Shoot Outs», onde as xogadoras do Villar Ourense venceron por 3 a 1. Polo lado masculino, tamén final ourensana entre CH Barrocás e CH Albor, onde venceron os primeiros por un claro 9 a 0.
 
PALMARÉS FEMININO:
Campión: Villar Ourense
Subcampión: CH Albor
3º posto: At. Coruña
4º posto: Atlántico HC
 
PALMARÉS MASCULINO:
Campión: CH Barrocás
Subcampión: CH Albor
3º posto: At. Coruña
4º posto: CSA Ourense
 

Gimnástico Cudeiro, 50 anos de hóckey

Un club histórico na cidade de Ourense, o Ximnástico Cudeiro, celebra o seu 50 aniversario. Un longo percorrido con moitas xeracións de xogadores, forxados no cercano pobo de Cudeiro, no Concello de Ourense. 

Na Gala do hóckey galego, celebrada o sábado 14 de maio, coincidindo coa Copa Galicia 2022, a Comisión Xestora da FGH quixo facer unha homenaxe a un club tan representativo do hóckey galego. 

 

Compartimos un video realizado polo servizo de Comunicación, que sirva tamén de recoñecemento a tantos anos de bo traballo polo  hóckey en Ourense:

Inauguración do NADE – Mariñamansa

O Secretario Xeral para o Deporte, José Ramón Lete lasa, Acompañado Polo Delegado Territorial Da Xunta en Ourense, Gabriel Alén, Inaugurou no serán de onte (Xoves 12 de Maio) o NADE – Núcleo de Adestramento Deportivo Especializado da Federación Galega de Hóckey, ubicado  nas instalaciones do campo de Mariñamansa (Ourense).

 

Tamén estivo presente Alberto Estévez, Presidente da FGH e unha representación de técnicos do CeTeGa. Xa recoñecido oficialmente pola Xunta de Galicia, este é un importante paso para o actual CeTeGa, que vai avanzando na súa cualificación. O NADE é o paso inmediatamente anterior ao CAR: Centro de Alto Rendemento.

Copa Galicia 2022 – Final a 4

Tras o remate das competicións séniors masculina e feminina de ámbito galego, celébrase unha FINAL a  4 para disputar o trofeo da Copa Galicia 2022. Clasifícaronse os 4 primeiros equipos, que xogarán o sábado as semifinais: 1º contra 4, e 2º contra 3º, en ambas categorías: masculina e feminina. Na xornada do domingo pola mañán xogaranse os partidos do 3er-4º posto e as FINAIS. 

O CALENDARIO de partidos da Copa Galicia sería o seguinte:

Sábado 14 Maio
15:00 Semifinal Feminina 2º vs 3º: Villar Ourense – Atlántico HC
16:30 Semifinal Masculina 1 vs 4º: CH Barrocás – At. Coruña HC
18:00 Semifinal Femenina 1º vs 4º: CH Albor – At. Coruña HC
19:30 Semifinal Masculina 2º vs 3º: CSA Ourense – CH Albor

Domingo 15 Maio
9:00 Partido 3º vs 4º Feminino
10:15 Partido 3º vs 4º Masculino
11:45 FINAL FEMININA
13:00 FINAL MASCULINA
14:30 ENTREGA TROFEOS

Presentación Copa Galicia 2022

O luns 9 de maio tivo lugar a presentación da FINAL a 4 da Copa Galicia 2022 de hóckey herba. Os 4 primeiros clasificados, en categoría sénior masculina e feminina, disputarán este Torneo os próximos 14 e 15 de maio no campo de Mariñamansa.

Asistiron á presentación Gabriel Alén (Delegado da Xunta en Ourense), Rosendo Fernández (Vicepresidente da Deputación Provincial), Mario Guede (Concelleiro de Deportes do Concello de Ourense), Alberto Estévez, Presidente da Comisión Xestora da FGH e Julio Vila, de Grupo Vila Castro. Agradecer o apoio das diferentes instituciones públicas representadas e tamén ao patrocinador oficial de Copa Galicia, VILA CASTRO Asesores.

Villar Ourense e CSA Ourense, Campións galegos infantís Hóckey Sala

Tralos campionatos celebrados o sábado 30 de abril na pista central de Expourense, os equipos ourensáns proclamáronse campións nas súas categorías: Villar Ourense na feminina e CSA Ourense na infantil mixto.

CAMPIONATO FEMININO:
Campión: Villar Ourense
Subcampión: At. Coruña HC

CAMPIONATO INFANTIL MIXTO:
Campión: CSA Ourense
Subcampión: Escola HC
Tercer posto: CH Barrocás
4º posto: Atlántico HC
5º posto: Cristo Rey
6º posto: At. coruña HC

Estivo presente na entrega de trofeos e medallas, Mario Guede, concelleiro de Deportes do Concello de Ourense.

Campionato Galego Infantil de hóckey sala

🏑 Presentado o luns 25 de abril o Campionato galego infantil mixto e feminino de hóckey sala, que celebrarase no recinto de Expourense o vindeiro sábado 30 de abril. Actualmente, a pista central de Expourense (Ourense) acolle unha pista sintética, do máis alto nivel, para desenvolver unha semana chea de actividades de hóckey sala: o programa Xogade e o Campionato galego infantil.
 
 
Na presentación do torneo, participaron o xefe de Deportes da Xunta en Ourense, Manuel Pérez; o asesor en Deportes da Deputación de Ourense, Bernardino González; o presidente da Federación Galega de Hockey, Alberto Estévez; e o director deportivo de Expourense, Mario González.
 
 
O sábado 30 de abril  achegaranse a Ourense máis de dous centos de persoas, entre xogadores, técnicos, persoal federativo e público, o que agardamos sexa un éxito organizativo e de seguimento. Seis  equipos masculinos/mixtos e dous femininos formarán parte da competición. Calendarios e horarios poden consultarse na nosa web.
 
Este Campionato galego conta coa importante colaboración da Fundación Expourense e co patrocinio de Grupo Vila Castro, que unha vez máis mostra o seu apoio ao deporte do hóckey galego.