A Federación galega de hóckey ten por diante nesta tempada varios eventos importantes, nacionais e internacionais. Para eles imos necesitar moitas mans que axuden a que todo saia o mellor posible, polo que lanzamos un Programa de Voluntariado.
¿Queres ser voluntario/a no Eurohockey Indoor en Ourense? ¿E noutros eventos importantes da FGH?
Do 28 ao 31 de outubro de 2021, Ourense será o centro do hóckey nacional co Stage da Selección Española masculina de hóckey herba. Coas renovadas instalacións de Mariñamansa xa rematadas, o combinado nacional absoluto e o Sub-21 visitarán a cidade ourensán durante 4 días, onde realizarán adestramentos e 3 partidos de preparación.
Esta concentración ten moita relevancia xa que será a estrea de Max Caldas como seleccionador nacional e con él o seu renovado staff técnico. Unha etapa que comeza de cara a un novo ciclo olímpico, coa vista posta en París 2024.
Aproveitando a visita, levaranse a cabo moitas actividades paralelas: visitas e actos institucionais, Seminario técnico con adestradores, Clinic con xogadores, photocall, etc. Técnicos, voluntarios e servizo médico da A FGH formarán parte do organigrama organizativo e as arbitraxes faranse con colexiados galegos. Os partidos a celebrar en Mariñamansaserán emitidos en streaming, pola canle de Youtube da FGH.
Agradecer ás institucións públicas o seu apoio para poder levar a cabo este Stage tan importante, e que servirá para promocionar aínda máis o noso deporte a nivel autonómico. Tamén cabe a posibilidade de que algún xogador galego esté presente nesta concentración, o cal sería un feito moi relevante. Estaremos moi atentos á convocatoria.
De cara á próxima tempada 2021- 2022, pomos a disposición a seguinte documentación da RFEH e da FGH, relativa ás competicións e inscripcións nas mesmas:
Anexamos a documentación (pinchar no enlace):
Publicados xa os documentos do Staff CeTeGa e do Regulamento Interno CeTeGa para a tempada 21/22, que guiarán o traballo a sesenvolver na próxima tempada en Galicia.
Aproveitamos a ocasión para dar as GRAZAS de novo, e nunca suficiente, a todos os técnicos implicados a súa disposición e voluntariado para esta extraordinaria e valiosísima labor. A esta magnifica lista de técnicos, encabezada por José Brasa como asesor nesta tempada 21/22, uniránselle outros técnicos de apoio novos, que ocupan ou ocuparán tarefas de adestrador/a nos seus clubs nun futuro próximo.
O espírito e misión do CeTeGa é ben coñecido xa por todos, pero é conveniente aclarar algún punto relevante: a asistencia ás sesións do CeTeGa ten carácter voluntario e ten un custo mínimo, reflectido na circular da FGH oportuna, pero que debe existir para poder sufragar nunha mínima parte as actividades realizadas.
Nesta nova tempada contaremos cunha nova sede e instalacións: oficina e aula de formación, medios audiovisuais, vídeo analisis con cámara fixa e materiais de primeira calidade para adestramentos. Unha das grandes aportacións técnicas será a ferramenta de videoanálisis grazas a un acordo con NACSport, acompañada de xornadas de formacións aos técnicos que o soliciten, e que poderán incorporar estas habilidades de inmediato aos seus adestramentos e partidos.
Na actual remodelación do campo de Mariñamansa inclúese a localización dunha cámara táctica fixa na torre de grabación, dispoñible para todos, non só para o CeTeGa. Por iso animámosvos aos clubs para aproveitar o acordo con NACSport para realizar cursos de adestradores e adquirir licenzas do software con condicións especiais. Solicitade mais informacion en cetega@fghockey.gal
Todo esto encádrase na liña de traballo para conquerir o recoñecemento da Xunta de Galicia como Núcleo de Adestramento Especializado, (xa solicitado pola FGH), e que é un paso previo para poder converterse nun CAR (Centro de Alto rendemento) a todos os efectos.
PLANIFICACIÓN XERAL máis inmediata do CeTeGa:
18 e 19 Setembro: visita Asturias Sub18 Masculino e Feminino Sub18 feminina. En agosto enviaranse as convocatorias para os adestramentos CeTeGa Sub18 Masculino e Feminino, nas cidades de Ourense e A Coruña. No mes de setembro realizaranse as convocatorias finais.
CALENDARIO da RFEH:
Autonómico SUB18: 28 Outubro ao 1 Novembro 2021 (Valencia)
Autonómico SUB14: 4 ao 6 Marzo Aragón (Zaragoza)
Autonómico SUB16: 24 ao 27 Marzo Andalucía ( Benalmadena- Malaga)
Por suposto, unha vez iniciada a tempada, planificaranse as correspondentes sesións do CeTeGa de todas as categorías, tanto localmente (Ourense, Vigo e Coruña) como as posteriores concentracións autonómicas en Ourense en función dos calendarios.
Os xogadores galegos Lucía Lamela e Daniel Baratta, foron seleccionados para as concentracións nacionais Sub16 do PNTD da Federación Española de Hóckey. Estes «stages» terán lugar na localidade valenciana de Cheste, onde durante varios días asistirán a xornadas de tecnificación e formación.
Importante estas convocatorias, para poñer en valor o traballo feito desde o CeTeGa da Federación galega de hóckey, e que xogadores galegos poidan participar nestas concentracións. Dámoslle os parabéns e esperamos que esta experiencia poida convertirse nunha futura convocatoria coa selección nacional.
Ao abeiro do acordo entre a Federacion Galega de Hockey e NacSports, abrése unha oferta especial e por tempo limitado a todos os adestradores/as con licencia en vigor na FGH, ou no seu defecto matriculados nos curso de Nivel I ou II deste ano 2021.
Esta oferta consiste no acceso ó curso ‘Videoanálisis con Nacsport para Hockey‘ por cun custe promocional de 50 €, o que supón mais dun 30% de desconto sobre o a tarifa estándar.
Acceso información cursos: www.nacsport.com/courses.php?p=230&lc=es-es
Para poder beneficiarse desta oferta será necesario:
Rematada a tempada 2020/2021, tivo lugar unha Concentración de Escolas de Hóckey a nivel autonómico. O lugar escollido foi Padrón (A Coruña), facendo de anfitrión o club Santo Domingo Hockey e grazas a boa colaboración do Concello de Padrón.
Máis de 300 participantes, con clubs de toda Galicia, viviron unha estupenda xornada de convivencia. Durante todo o día tiveron lugar partidos das categorías inferiores e tamén como novedad, encontros «Papis&Mamis», xogados por pais e nais de nen@s participantes.
