Concluído o Campionato Galego de Hóckey Sala nesta xornada de domingo que se caracterizou por unha gran presenza de público nas bancadas e pola deportividade entre os equipos participantes. 

Máis adiante podes ler as crónicas completas das 2 finais.

En categoría masculina, repite título o C.H. Barrocás, tras impoñerse por 10-2 ao C.H. Albor. En feminina, o C.H. Albor alzouse co trofeo tras gañar por 4-1 no seu final contra o OurenSticks. Así, Barrocás e Albor masculinos, e Albor feminino, disputarán as Semifinais do Campionato de España a fin de semana que vén aquí en Ourense. 

Os máximos goleadores do torneo foron Xurxo Cid do Barrocás e Anabel Sánchez do At. Coruña. Mentres que o premio individual ao mellor porteiro foi para Daniel Blanco do Barrocás e a mellor porteira para Carlota Álvarez do Albor.

Na cerimonia de entrega de trofeos e medallas contamos coa representación institucional de Anibal Pereira, Concelleiro de Deportes do Concello de Ourense, César Fernández, Diputado de Deportes da Deputación de Ourense Manual Pérez, Xefe do Servizo de Deportes da Xunta de Galicia en Ourense, e amén con Roberto Baratta, Presidente da Federación Galega de Hóckey.

Os terceiros clasificados en categoría masculina, que visitarán San Cugat (Barcelona) para xogar as súas Semifinais Nacionais, foron os mozos do Escola Coruña H.C. E, en categoría, feminina, as terceiras clasificadas, Athletic Coruña, viaxarán a San Fernando (Cádiz) para competir nas Semifinais. 

Crónica das Finais: 

Masculina:

Primeiro cuarto no que e Albor aguantou os envites de Barrocás ata os últimos dous minutos nos que os laranxas se adiantaron 2-0. No segundo  cuarto Barrocás aumentou a súa distancia. No terceiro o Albor deu dúas poutadas á portería barroca que foron respondidos con outro gol de strock. Así se chegaba ao último cuarto cun claro 8-2. 

O marcador desta final selouse 10-2 o que converte un ano máis ao H.C. Barrocás en Campión Galego de Hóckey Sala Senior Masculino.

Feminina:

As do Albor inauguraron o marcador no primeiro cuarto. No segundo cuarto achegouse OurenSticks empatando o partido. Empate que se desfixo antes do descanso cun novo gol das mozas do Albor 2-1. 

Ao comezo do Terceiro cuarto Albor volveu tomar vantaxe. Vantaxe que ampliaron ata en 2 ocasións máis a pesar de que OurenSticks apostou por xogar o último cuarto sen porteira. A final feminina acabou cun claro 4-1 que fixo ás mozas do C.H. Albor Campioas Galegas de Hóckey Sala Senior.

Remata o primeiro día do Campionato Galego de Sala.

Unha xornada con moita expectación e moito público nas gradas. Nótase que Galicia é Hóckey,

Podes ver os resultados nas imaxes desta publicación ou no match center ao que podes acceder dende a  Home da nosa web.

Mañá domingo disputaranse os partidos decisivos.

As finais, no Anexo dos Remedios serán: a masculina ás 11:20h CH Barrocás e CH Albor e a final feminina ás 12:30h entre CH Albor e o OurenSticks.

Esta fin de semana dispútase en Ourense o Campionato Galego de Hóckey Sala Masculino e Feminino Sénior. 

Un torneo que o ano pasado tivera A Coruña coma escenario, e que chega á capital das Burgas con dúas sedes, unha pista principal no Anexo do Pavillón dos Remedios e otra secundaria no Polideportivo de Oira.

As fináis terán lugar o domingo 14 no Anexo dos Remedios a partir das 11:20h.

Este campionato é clasificatorio para as semifinais nacionais que se disputarán do 19 ao 21 de xaneiro no Pazo dos Deportes e no Anexo dos Remedios.

Os dous primeiros galegos masculinos e o primeiro feminino xogarán as semifinais en Ourense, mentres que o terceiro masculino viaxará a Sant Cugat e  segundo feminino fará o propio a terras gaditanas, para xogar a semifinal nacional en San Fernando.

A última sesión do Plan Nacional de Tecnificación Deportiva da Real Federación Española de Hockey, celebrado en Cheste (Valencia), para os mozos e mozas sub14, Galicia estivo representada por Aitana Rodríguez, do OurenSticks, e Darío Sánchez, do Athletic Coruña. 

Á cita acompañounos Ronny Fernández, responsable Sub14 galego e coordinador de escolas do CETEGA.

A pasada fin de semana disputáronse as fases de sector de hockey sala nacional, coa participación de dous clubes galegos. Os rapaces e rapazas do OurenSticks acudiron a Cantabria, mentras que o equipo masculino do Escola H.C. Incorpore Fisioterapia viaxou a terras valencianas.
Os rapaces do Escola remataron no cuarto posto o seu sector, competindo contra clubes coma Ath. Terrasa, Valencia, DXT Madrid e Codema Gijón.
As xogadoras do OurenSticks tiveron un durísimo sector, no que se enfrentaron ante rivais coma o Tenis, o Hocquet, o Grupo Covadonga e o Jolaseta. Pola súa banda os rapaces competiron bien contra ó Jolaseta e Grupo Covadonga, e cairon derrotados ante o Club de Campo e o Tenis.
De seguro esta participación foi toda unha experiencia para os nosos rapaces e rapazas.

Fundado en 1.973 é o segundo clube máis antigo de Galicia

O Clube de Hóckey Santo Domingo de Padrón celebrou a pasada fin de semana o seu 50 aniversario, cun un partido amigable no campo da Baiuca no que participaron «Vellas Glorias» contra «Resto do Mundo» e unha comida de confraternización, na que Yolanda Casanova, delegada da Federación Galega na Coruña, fixo entrega ao clube dunha placa conmemorativa polo aniversario.

O segundo clube de hóckey máis antigo de Galicia, fundado en novembro de 1973 por unha directiva presidida daquelas por Jesús Fráiz, comezou cun grupo de mozos padroneses xogando nunha nave do serradoiro Tato, aos que se uniron outros que entraron en contacto co deporte ao iniciar os seus estudos na USC.

Nos seus inicios, empregaban sticks de madeira feitos por eles mesmos, ata que os dominicos do Carmen autorizáronlles a empregar as súas instalacións, adquiriron paus oficiais e afiliáronse á Federación Galega para empezar a competir a nivel provincial. Os éxitos non tardaron en chegar e o clube entrou en competicións e torneos de maior rango, mesmo internacionais. Aos poucos abriuse un oco na elite nacional e hoxe está plenamente asentado no deporte padronés, grazas en boa medida ás súas categorías basee, tal e como destacou o Concello de Padrón na súa felicitación ao clube polo seu aniversario.

O xogador ourensán Breogán Figueiras Amorín (C.H. Barrocás, Ourense) ven de ser convocado pola Selección Nacional Sub18 para participar na concentración que terá lugar en Madrid, las instalacións do CAR, os vindeiros 19 e 20 de decembro. Unha noticia que serve para premiar o bo traballo que o xogador ven facendo no seu clube e na selección galega.