Últimas noticias
CH Barrocás, campión galego de hóckey sala, sénior masculino
O equipo ourensán de Club Hóckey Barrocás renova a súa condición de campión galego, ao impoñerse un ano máis na competición autónomica. Nunha emocionante e apertada Final, impuxéronse por 6 a 5 ao equipo tamén ourensán do «CSA Ourense».
Ao Barrocás custoulle defender a súa condición de favorito na final, ante o seu rival, que fixo un gran partido e foi tamén por diante varias veces no marcador. Ata o último momento o empate estivo no aire pero o porteiro do Barrocás detivo un penalti-corner faltando escasos segundos para a finalización.
Clasificación final do Campionato:
1º CH Barrocás
2º CSA Ourense
3º CH Albor
4º Athletic Coruña HC
5º Escola Hockey A Coruña
6º CH Albor 1981
O CH Barrocás clasifícase directamente para a Fase semifinal do Campionato de España, e os clasificados do 2º hasta o 4º lugar disputarán unha Fase de sector previa. Todos eles buscarán a clasificación para a «Final a 4», que este ano se celebra en Ourense os días 11 e 12 de febreiro.
Premios individuais:
Mellor porteiro: Andrés Murias, do Gimnástico Cudeiro.
Máximo goleador: Xurxo Cid, do CH Barrocás.
Campionato galego de hóckey sala, masculino e feminino
Esta próxima fin de semana chega a primeira gran cita no calendario galego: o Campionato galego de hóckey sala, nas categorías sénior masculina e feminina. A competición terá lugar de maneira simultánea, os días 21 e 22 de xaneiro, no polideportivo do Ventorrillo e no Pazo dos Deportes de Riazor, na cidade da Coruña.
Preséntamosvos o cartel do campionato (de BeDo Creativos) e os horarios dos encontros dos campionatos galegos.
Podedes consultar o calendario e seguir os resultados online no «Match center» da nosa web.
Presentación do Campionato Galego de hóckey sala
Hoxe martes 17 de xaneiro, tivo lugar na Coruña a presentación oficial do Campionato galego de hóckey sala, nas categorías sénior masculina e feminina. A competición terá lugar de maneira simultánea, os días 21 e 22 de xaneiro, no polideportivo do Ventorrillo e no Pazo dos Deportes de Riazor.
No acto estivo presente a concelleira de Comercio do Concello de A Coruña, Diana Cabanas, o Presidente da FGH, Roberto Baratta, e Mario Pais, representante de Autocares Fondo, patrocinador principal do evento.
Está prevista a participación de máis de 200 deportistas e adestradores. Asistirán os sete mellores equipos masculinos e os cinco mellores femininos de Galicia. Os equipos masculinos que participarán serán: CH Barrocás, CH Albor, Escola Hockey Coruña, CSA Ourense, Gimnástico Cudeiro, Athletic Coruña e CH Albor 1981. Na categoría feminina estarán: Villar Ourense, Atlántico Vigo, Athletic Coruña, Escola A Coruña 2016 e Escola Galicia Sport.
Os encontros comezarán o sábado ás 10.00 horas en ambos recintos e as finais serán o domingo ás 12.30 horas a feminina e ás 13.40 horas a masculina no Pazo dos Deportes de Riazor. Podedes consultar o calendario e seguir os resultados online no «Match center» da nosa web.
O Escola Hóckey A Coruña Galicia Sport, campión galego xuvenil feminino
O Escola Hockey A Coruña Galicia Sport proclamouse Campión galego de hóckey sala na categoría xuvenil feminino, trala disputa da competición celebrada na Coruña o domingo 15 de xaneiro.
No campionato, xogado a dobre volta, o Escola impúxose ao Athletic Coruña HC nos dous partidos, cos resultados de 6-1 e 3-6.
Os dous equipos viaxarán a terras madrileñas o 11 e 12 de febreiro, para disputar a Fase de Sector Nacional.
Grazas á Deputación da Coruña e ao Concello da Coruña, pola colaboración continuada co noso deporte. Neste campionato e nos próximos eventos a celebrar na cidade herculina.