O sábado 22 de abril ten lugar en Ourense o Campionato galego infantil mixto de hóckey sala, no polideportivo de Oira, en xornada de mañán e tarde. O torneo contará coa participación de 4 clubs: At. Coruña HC, Escola Hockey A Coruña, CH Albor e Santo Cristo.

Calendario de partidos:
11:45 Santo Cristo – 2º Coruña
13:00 1º Coruña – CH Albor
18:15 Partido 3er-4º posto
19:15 FINAL

O Campión galego obterá a clasificación directa para a Fase Final do Campionato de España, que se celebrará en Ourense a mediados do mes de maio. O segundo e tercer clasificado, disputarán a Fase de Sector, que igualmente terá lugar na cidade de Ourense.

As seleccións galegas Sub 16 de hóckey herba, remataron a súa participación no Campionato de España de seleccións autonómicas, que tivo lugar en Terrasa, do 30 de marzo ao 2 de abril de 2023.

O equipo feminino finalizou o campionato en 6ª posición (de un total de 10 equipos). Nos partidos de clasificación do 5º-8º as galegas gañaron primeiro á selección da Comunidade valenciana, pero logo foron derrotadas polo combinado de Andalucía. Bo torneo das rapazas galegas, nun campionato con seleccións de moito nivel.

**Resultados e clasificación: www.rfeh.es/competiciones/selecciones-autonomicas-sub-16-f/

Pola súa banda, o seleccionado masculino rematou nunha 8ª posición final, a pesar de facer bos partidos na clasificación do 5º-8º posto. Conqueriron sendos empates 2-2 contra Cantabria primeiro e logo con Euskadi, pero saíron derrotados nos dous partidos na fatídica ronda de «shoot outs».

**Resultados e clasificación: www.rfeh.es/competiciones/selecciones-autonomicas-sub-16-m/

No apartado individual, a porteira galega Carlota Álvarez, do Club Hockey Albor de Ourense, foi proclamada mellor porteira do Campionato de España de seleccións autonómicas Sub16, de hóckey herba.

Do 30 de marzo ao 2 de abril terán lugar en Terrassa (Barcelona) os Campionatos de España de seleccións autonómicas Sub16 de hóckey herba, nas categorías feminina e masculina. Logo da derradeira concentración antes do torneo, as seleccións galegas xa están preparadas para acudir á cita e facer un bo papel deportivamente.

Selección feminina Sub16

CONVOCATORIA SELECCIÓN SUB16 FEMENINA – PDF

O combinado galego está encadrado no Grupo A xunto ás seleccións de Cataluña, Euskadi, Asturias e Canarias. Confiamos moito nas nosas «guerreiras» e esperamos disputen un gran campionato. 

Podedes ver o calendario e seguir os resultados, na web da RFEH:

www.rfeh.es/competiciones/selecciones-autonomicas-sub-16-f/

Selección masculina Sub16

CONVOCATORIA SELECCIÓN SUB16 MASCULINA – PDF

O combinado galego está encadrado no Grupo A xunto ás seleccións de Catalña, Madrid, Asturias e Canarias. Esperamos que disputen un estupendo campionato e obteñan unha boa posición final, na clasificación final.  

Podedes ver o calendario e seguir os resultados, na web da RFEH:11

www.rfeh.es/competiciones/selecciones-autonomicas-sub-16-m/

As seleccións galegas Sub14 de hóckey herba, finalizaron o seu paso polos Campionatos de España de seleccións autonómicas, disputado en Alcalá la Real, Jaén.

O equipo feminino finalizou na sexta posición, tralo empate 1-1 con Baleares e logo derrota na rolda de «shoot out».
Pola súa banda, o combinado masculino obtivo a cuarta posición final, logo da derrota 2-4 contra Asturias, no partido pola medalla de bronce.

Parabéns a todos/as os/as xogadores/as por disfrutar duns días cheos de hóckey e competición, e continuar formándose no seu deporte favorito.
¡¡GALICIA é HÓCKEY!!