Últimas noticias

Copa Diputación da Coruña 2022

 
Presentación da Copa Deputación da Coruña 2022, que terá lugar durante 3 fines de semana nos meses de outubro e novembro.
No acto estiveron presentes Cristina Capelán, deputada de Deportes na Deputación da Coruña; Yolanda Casanova, delegada da FGH na Coruña e Roberto Baratta, responsable de Promoción da FGH.
 
A competición engloba as categorías de preBenxamin, Benxamin, Alevin e Infantil, e disputarase nas localidades de A Coruña e de Padrón. Clubs participantes: A.D. Crito Rey Oleiros, Escola HC, Athletic Coruña HC e HC Sto Domingo de Padrón.
 

Jaime Amorín, de CH Barrocás, recibe a Distinción ao Mérito Deportivo da Xunta de Galicia

O mércores 5 de octubre, ás 17:00h, tivo lugar na igrexa de Santo Domingo de Bonaval (Santiago de Compostela), a Gala de entrega das Distincións ao mérito deportivo, otorgadas pola Xunta de Galicia.

Neste acto quérese poñer en valor a adicación e traballo a prol do deporte, para deportistas, clubs, directivos e protagonistas do deporte galego. Estiveron presentes, entre outras personalidades, o Presidente da Xunta de Galicia -Alfonso Rueda- e o Secretario Xeral para o Deporte, José Ramón Lete Lasa.

Entre as distincións deste 2022, o deporte do hóckey galego estivo representado na persoa de Jaime Amorín, presidente do Club Hockey Barrocás (Ourense). Recibe esta distinción, logo de 45 anos vinculado ao deporte ourensán e deles, máis de 30 anos vinculado ao hóckey, desde o Club Hockey Barrocás.

Un club con 32 anos de historia, cun gran traballo nas escolas de categorías inferiores e logrando durante varias tempadas ter un equipo nas máximas categorías do hóckey español, tanto na División de Honra A como na B, categoría onde hoxe milita CH Barrocás. Na modalidade de hóckey sala, o club estivo presente moitos anos na Fase Final do Campeonato de España, conquerindo varias medallas de bronce nas súas participacións.

No apartado individual, ao longo da súa traxectoria, formou parte da Xunta Directiva da Real Federación Española de Hóckey e tamén un breve periodo na Federación Galega de Hóckey. No seu club, sempre estivo en postos directivos e xunto co resto do organigrama do club, conqueriron que CH Barrocás estivese durate moitos anos na élite do hóckey español (actualmente o equipo sénior masculino milita na División de Honra B, de hóckey herba).  

 

   

Galicia – Ligas de Primeira División Nacional

No mes de outubro de 2022 comeza unha nova tempada 2022-23 na categoría Primeira Nacional «Liga Galega» de hóckey herba, en masculino e feminino. Na competición masculina contaremos con 8 equipos/clubs e con 4 na feminina, que disputarán primeira e segunda volta.

Nestes PDF podedes consultar o CALENDARIO provisional, xa que aínda faltan por concretar os horarios da segunda volta da competición. Os da primeira volta sí estarían OK con datas e horarios dos partidos. 

1ª DIV MASC HH

1ª DIV FEM HH

 

Escola provincial de hóckey – Pazo dos Deportes

Comeza unha nova ESCOLA DE INICIACIÓN e primeiros pasos para nen@s de 8 a 12 anos, no Pazo dos Deportes, en colaboración coa Deputación de Ourense. Con esta iniciativa, o deporte do hóckey estará presente nas «PazoEscolas Deportivas 2022», co obxectivo de seguir promocionando o noso deporte en tódolos ámbitos posibles.

HORARIO: Luns e mércores, de 19 a 20h.

INSCRICIÓNS
Para formalizar a matrícula das PazoEscolas Deportivas, as persoas interesadas poden descargar o formulario de inscrición desde internet (www.pazopacopaz.es) e entregalo na recepción do pavillón de deportes da Deputación.
Información no Pazo dos Deportes (presencialmente), no teléfono: 988 317 900 ou no mail: deportes@depourense.es

Convenio de colaboración da RFEH e FGH co CeTeGa

A Federación Galega de Hóckey e a Real Federación Española de Hóckey, chegaron a un acordo de colaboración co CeTeGa (Centro de Tecnificación de Galicia). Un CeTeGa que naceu coa intención de que os mozos xogadores con proxección nacional e/o internacional recibisen adestramentos específicos para mellorar as súas calidades técnicas. Un centro que ten a súa sede en Ourense, aínda que dispón de dúas subsedes na Coruña e Vigo.

O acordo permitirá aliñar a planificación deportiva, e colaborar na selección dos deportistas integrantes, que levará a cabo polos técnicos designados de común acordo pola Dirección Técnica da RFEH e a Dirección do CeTeGa.

Así mesmo, habilitaranse visitas periódicas dos seleccionadores nacionais ou membros da estrutura deportiva da RFEH co fin de coordinar, unificar e supervisar os criterios de adestramento tentando respectar as necesidades das seleccións nacionais e de comprobar a evolución dos xogadores previamente seleccionados.

Un acordo importante na procura de seguir fomentando a cultura do alto rendemento en todos os mozos que practican o hóckey e naqueles que o estean iniciando ou o poidan facer no futuro.

Síguenos en Redes Sociales

Histórico